眾籌集資攻略：五招提高集資成功率！

近年有唔少的籌款者係網上眾籌平台發起眾籌項目，以籌集創業或其他項目的基金。但你又知唔知眾籌存在咩風險呢？如果想用眾籌實現你的創業夢，點樣做先可以成功推廣你的眾籌項目？唔洗懵盛盛，睇完呢篇文你就會清醒！ 

 

咩係眾籌？

「眾籌」（crowdfunding），又稱「群眾集資」。眾籌係指透過網絡向群眾集資，去實行各式各樣的項目，可以話係創業人士實現理想的經濟支柱來源。

 

就好似「勁揪體」的設計師Kit Man 於2016年發起名為「勁揪體籌款造字計劃」的眾籌活動，目標籌得65萬元，最後係限期前成功達標，仲比原本眾籌目標多左1.2萬元！

圖片來源自 眾籌平台Kickasstype 

 

四種眾籌類別

 

眾籌按集資性質及用途大致上可以分為四類： 

1. 捐贈式眾籌：大眾將投資基金用來支持社區機構，或者將眾籌資金作爲慈善公益用途

2. 預售眾籌：贊助者預期將來可以得到籌款者提供的商品或服務作為投資回報

3. 股權眾籌：項目贊助者藉購入商業投資的股權，賺取財務回報

4. 點對點借貸眾籌：贊助者提供貸款以賺取利息，一般來講呢啲都係一啲無抵押貸款

 

眾籌有冇觸犯香港法例？

眾籌冇觸犯任何嘅香港法例。但理論上，眾籌項目有可能會受到唔同的香港法例潛在的規管。例如股權眾籌籌集基金嘅主要目的係一個集體投資的話，可能會受到《證券及期貨條例》所規範。

 

呢啲有機會會被定義為「集體投資計劃」（Collection Investment Scheme），咁就要獲得證監會的批准先可以做集資活動，如果唔係呢啲眾籌活動就會被認為係非法籌集資金㗎啦！

 

眾籌有咩風險？

雖然眾籌好早就已經係歐美國流行，但係香港算係一個新興的活動，一直未有相關的法例規管。某些眾籌活動仲有可能會抵觸香港法例，所以發起或參與眾籌之前都要知道下眾籌的風險啊！

 

近年來有唔少的眾籌騙案發生，例如係一啲預售產品的眾籌活動入面，當投資者提供左眾籌資金之後，發起人突然銷聲匿跡，搵到搵唔到，帶埋啲錢走佬！  

 

你肯定聽過最出名的眾籌項目：智能咖啡機 Arist。當時呢個眾籌項目超額籌得84 萬美元，本身產品原定2015年4月出貨，但項目發起人用唔同理由例如電腦資料被盜及註冊專利等問題多次延期，產品至今未付運。 

圖片來源自網路

 

仲有點對點借貸眾籌都係高危的眾籌項目，因為呢個眾籌項目係無抵押貸款，如果借出去的款項收唔到還款的話借貸人就會造成嚴重嘅損失。所以確定贊助眾籌項目前要可以留意下發起人的背景同埋項目的可行性，再自行評估眾籌風險。 

 

眾籌嘅成功推廣方法

了解清楚眾籌的風險之後，當你發起眾籌活動的時候，應該點去推廣你的眾籌項目呢？下面小編教你五個推廣眾籌項目的重點技巧，等你的眾籌項目更容易集資成功！

 

（一）眾籌前做好充足準備

構思眾籌項目的時候，需要考慮的內容包括：眾籌項目的目標及前景、項目的獨特性及可行性、營運後預期的經濟效益以及成本及資源約束等。做好眾籌項目的構思唔單止令內容更清晰具體，亦能大大提高項目成功率！  

 

另外，計算眾籌項目的成本及資源約束係重要的一環，因為會影響到你決定籌集幾多資金。如果你眾籌成功產品需要付運時，要計算清楚運費，然後調節需要籌集的資金，以免出現籌集資金不足以營運項目嘅問題。  

 

除左本地，仲要寄去國外俾贊助者，呢個時候就要計埋國際運費啦！唔清楚國際運費就睇呢度【運費計算】！多個國家任你揀～ 仲可以睇埋禁運物品添，唔好等眾籌成功先發現產品原來寄唔到俾外國嘅贊助者！

 

（二）為眾籌項目增加曝光率

雖然眾籌平台會幫你宣傳及推廣眾籌項目，但眾籌平台有各式各樣嘅項目，你要點做先可以凸顯你的眾籌項目呢，所以唔可以單靠眾籌平台為你帶來曝光率。  

 

大多數眾籌項目的贊助者主要來自於你本來的支持者。如果你本身擁有粉絲群的社交媒體帳戶，咁嘅話就可以係呢啲社交媒體上面推廣你的項目，等你的支持者投資你的眾籌項目。  

 

如果你本身冇經營社交媒體，冇一班追隨者的話，應該點做去增加眾籌項目的曝光率，從而將接觸群眾轉化爲眾籌項目的贊助者呢？咁可以睇下【網店創業】，教你點樣快速提升眾籌曝光率！

 

除此之外，你可以在各大社交媒體發佈眾籌項目的廣告宣傳，也可以聯絡媒體，讓媒體幫你更大範圍地宣傳，增加接觸的群眾。 就好似陳漢娜同郭爾君的《搗破法蘭克》，都利用左唔同嘅媒體報導齊齊集氣。

 

圖片來源自 FilmBurns

 

 （三）清晰展示你嘅眾籌項目

如果想說服群眾支持你的眾籌項目，就要清晰展示項目的獨特性同可行性，說服群眾投資你的眾籌項目。另外亦可以用感人的背景故事、產品視頻及圖片等方法來傳達你的項目理念。  

 

加入你發起眾籌項目的理念及想法，讓贊助者知道進行眾籌的目的；講出項目對贊助者帶來的利益；以及清楚說明如何利用眾籌的資金來實現項目，當支持者了解眾籌項目的內容，更容易促進佢地的投資意欲。

 

（四）眾籌嘅集資期限設定爲30天

唔好以為眾籌集資的時間越長越好啊，根據眾籌網站 Kickstarter的數據分析顯示，眾籌項目的集資期限為30天的效果最佳，更容易成功。  

 

時間越長，實現目標的可能性越小，所以一個月的時間唔長又唔短，已經足夠俾你宣傳眾籌項目。以下圖表反映眾籌集資時間與成功的關係： 

圖片來源自 眾籌平台Kickstarter

 

 （五）眾籌後保持定期更新

定期更新眾籌項目，讓你的贊助者掌握最新的狀態，保持對眾籌項目的熱情，從而對項目投入更多資金。而且可以幫你調整產品正式發佈時的銷售方向，呢啲贊助者亦有可能成為你的支持者，為你下一個眾籌項目「舖路」。  

 

比較Kickstarter和Indiegogo兩大眾籌平台

1.    Kickstarter

知名的眾籌平台，以幫助科技及創意產業者聞名。採用「All or Nothing」模式，需要達到眾籌目標金額才能得到資金。如果眾籌未能成功，資助者都唔會被收費。  

 

籌款成功後將會係籌款總額中收取5%手續費，同埋3% - 5%付款處理費用。眾籌需要14天時間獲發款項。  

 

2.    Indiegogo

同Kickstarter相似，籌款者通常係創新創意行業及社區項目為主。分兩種眾籌形式：「固定資金」及「靈活資金」，如果你眾籌的項目必須達到指定金額的話就揀「固定資金」；如果冇目標金額，打算籌到幾多就用幾多嘅話就揀「靈活資金」。  

 

平台就收取3%手續費和0.3美元付款處理費用，仲會根據帳戶所在地收取額外嘅轉帳費用。 

 

 

睇左咁多，你係咪已經明白曬呢？想知道更多關於眾籌的資訊及集資技巧，記得留意我地網站的更新啊！留意更多【資訊及網誌】