香港郵政編碼大解構🇭🇰網購、寄國際件必讀 - Fuuffy國際快遞格價平台

香港郵政編碼到底係乜？有咩用？

相信睇到呢篇文章嘅大家都一定係受到好多網上購物平台嘅困擾，點解要迫我入郵政編號(Postal Code)！？

其實地球上面仲有好多地區同國家都同我哋香港一樣係冇郵政編號㗎！例如愛爾蘭，巴拿馬，牙買加等等。如果冇郵政編號嘅地區，只要係相關嘅地方輸入0000或者000000就得喇！

香港郵政編碼是什麽

只需輸入0000或者000000即可！

點解香港郵政編號無被香港郵政沿用？

根據香港郵政嘅說法，由於香港郵政現時採用嘅機械揀信系統具備光學文字閱讀功能，可辨識超過90%列印或手寫的英文地址和列印的中文地址，以及按個別派遞段分揀郵件，所以在香港引進郵政編碼系統以提升郵務運作效率的作用不大。

而海外地區的郵政編碼一般由5至7位數字組成，標示派遞範圍內按地區和街道劃分的所有大廈。由於香港高樓大廈林立，住宅及商業地址超逾300萬個，若要有系統地為每個地址編配獨一無二的郵政編碼，編碼或會長達15位數字，所以在香港使用郵政編碼系統並唔會方便太多～

諗諗吓其實都啱，起碼我哋好多時寄嘢或者搬屋，都唔使背住個郵政編號吖，你話係咪🤣？