選擇fuuffy預訂國際速遞後，請不要忘記正確地包裝郵件。為確保您的快遞安全地發送給國外親友，fuuffy仔為您寫咗以下一呢篇包裝攻略～
點樣選擇最適合嘅包裝呢？
物品既形狀同埋物品既材料都會需要有同既包裝方法。以下係選擇包裝方法或材料時要考慮既因素：
- 產品尺寸：使用太大或太小既包裝都可能會損壞運輸中的產品。所以，係選擇合適既紙箱之前需要考慮到物件既尺寸，唔會過大或者過細咁就啱啱好。
- 產品類別：唔同既產品類型同材料，所需既防護等級都會有所唔同。例如，易碎產品需要增加額外既保護（例如加足夠既Bubble紙），如果有需要的話請保留足夠既空間以添加其他緩衝材料：（例如發泡膠，防撞棉等），以減低物品係運輸時既摩擦同埋碰撞。如果您係寄無咁容易損毀既物品（例如衣服，書籍等），就可以將佢哋放在同一盒子中郵寄。如果您要寄送易碎物品（揚聲器，陶瓷，玻璃器皿，手工藝品，樂器等），就必須將易碎品用緩衝材料完全包裹（Bubble紙，防撞棉等），再將佢地放係快遞盒裡面。
- 產品重量：用太薄或者太舊嘅快遞盒去包裝過重嘅物品會好容易損壞，所以應該選擇紙板箱或強化膠合板箱去托運，如果係包裝上有任何疑問，隨時聯絡fuuffy嘅客戶服務部啦！
點樣包裝易碎品？
- 選擇耐用同符合物品尺寸嘅紙皮箱／包裝
- 用Bubble紙小心包裝貨品
- 盡量將易碎物放係包裝嘅中間
- 用氣袋或者Bubble紙等緩衝物料填滿箱子裡面嘅其他空位
- 可以係紙箱嘅外面封多幾層膠紙，防止包裝刮花
如果細件嘅包裝，用自帶Bubble內封嘅快遞袋都係唔錯嘅選擇！
咁大型物件又應該點樣包裝呢？
- 盡量使用比較厚同硬嘅紙箱，避免重複使用舊嘅快遞盒／箱，因為本身已經損毀左既箱有可能會承受唔到重物嘅重量㗎！
- 用氣袋或者Bubble紙等既緩衝物料保護你既貨品，避免用保護性較低嘅物料
- 用牛皮膠紙或者有保護功能嘅膠紙包裝紙箱，尤其是係紙皮箱嘅開合位同埋罅隙位置，可以貼多幾次膠紙
千祈唔好貪方便，用過舊嘅紙皮箱包裝而令到物品損壞或者延遲運送，只會得不償失！
係咩情況下會因為包裝既關係而導致退件呢？
常見危險品標籤：(如果有疑問既話就記得問左我地客服先啦～)
如果要用木箱包裝去托運包裹應該點做？
由於每間快遞公司對運輸木箱都有唔同既限制，另外每個國家對入口木材都會有不同既要求同限制，所以用木箱托運前請先向我地客服查詢，以免取消訂單/包裹退回時產生不必要既費用阿！（在沒有向貨飛客服查詢的情況下下單/寄出木箱包裝的包裹，客人需承擔所產生的行政費和退件費）
免費報價</a >
包裝物品嘅基本步驟
步驟一
選擇包裝箱
為咗方便或者減低成本，你可能會選擇重複使用舊的包裝箱，但係咁樣可能會增加包裹損毀既機會
（因為可能上一次運輸既時候已經對快遞盒造成一定程度既消耗）。
所以每次都用新既快遞盒當然會係最安全既選擇啦～
步驟二
準備包裝箱
記得啊～係fuuffy網上預約寄件係無紙箱提供架，寄件人需要係快遞員上門收件前用自備既快遞盒或者包裝物料包裝好包裹。
步驟三
包裝貨品
如果係易碎物品或者細件物品，例如陶瓷、玻璃等等，最好用Bubble紙同足夠既防撞物料包好物品再放入包裝箱裡面。
步驟四
記得盡量填滿箱子裡面的空間
尤其係拖延易碎品既時候，為左避免包裹因為搖晃或碰撞而傷害到你嘅物件，
盡量使用Bubble紙或者報紙毛巾等等嘅緩衝物料填滿包裝入面嘅空間。
步驟五
量度尺寸再作報價
完成包裝後，點算實際箱數同埋量度每箱既尺寸重量，再係平台上輸入包裹既相關資料去取得報價。
fuuffy提提你
請各位會員留意，快遞人員上門時只會負責收件，並唔會協助您包裝包裹。
如果因為包裝唔完整而令物品係托運過程中損毀，
可能會影響到你嘅係保險賠償或者造成寄件延誤架～
記得一個箱係當一個包裹寄，不能夠將兩個箱用膠紙貼埋一齊當係一箱咁寄架！～
fuuffy仔提提你
除左包裝物品外,請同時記得將係Fuuffy確認電郵附件入面既運送標籤同商業發票打印出黎，
咁就可以確保快遞員上門既時候順利收件喇～
運費計算
幫助中心
精選文章
聯繫我們