移民搬運：移民英國揀空運定船運平啲？

準備移民到海外生活的你，知唔知點樣先可以將家當安全地搬運過去移民國家呢？移民搬屋用空運定係船運好？移民搬運又有啲咩注意事項？Fuuffy小編幫你整理好移民搬運大全啦，移民前必睇！幫你慳力又慳錢～ 

 

移民搬運如何包裝家當

無論係海運定係空運，多數都會用紙箱包裝貨物運送。唔想家當有任何損壞，就要包到密密實實啦！特別係貴重物品，例如鋼琴、電視或沙發等，按需要使用堅硬的紙箱或木箱，再包多幾層緩衝物料。  

 

包裝移民要帶走的家當時，要選擇合適尺寸的紙箱或更穩固的木箱。包裝過大有機會被收取額外費用，太細就唔夠位放防撞物料，仲有機會增加損壞的風險添！所有物品都應該按需求選擇合適的包裝，加入緩衝物料，並貼邊包好。  

 

另外，唔好為左慳少少錢就重用舊紙箱，以免得不償失！易碎品記得要用防撞物料，如泡泡紙、氣袋或報紙等，最平移民國家、更詳細的貨物包裝方法可以睇下【包裝郵件】。 

 

選擇合適的移民搬屋物流服務

近排成日都聽到有人問移民英國搬運邊間好，移民搬運到底用空運定船運好呢？大部分人以為船運比空運成本低，船運運送時間較長但運費比空運便宜，所以好多時候移民搬運都會優先考慮船運。但其實要睇埋香港寄邊個國家、家當數量以及貨物重量同尺寸等，先可以衡量空運同船運邊個適合自己多啲。 

 圖片資料用作參考 

 

船運比空運有更多不可預測的因素，例如洋流和港口交通擠塞等，都有機會影響運輸。移民搬屋的家當較多如10箱貨物以上，選擇船運比較經濟實惠，但大多數的船運運輸公司報價不夠透明（如包裝的紙箱會另外收費）。而且船運運輸速度較慢，運輸時間約60日左右，所以如果係船運移民搬屋，要留意唔好運輸易腐爛的貨物！  

 

就空運而言，最大的優勢係快！通常空運搬屋在沒有其他因素影響之下，多數10天內就會到達目的地。另外，空運比較可靠，空運運輸時間受環境影響而延遲的機會較少。如果移民搬運的家當數量較少（約莫少於10箱），又想快啲送達移民目的地，就可以揀空運。因為當船運的貨物少於一個集裝箱，船運運費就會按卡板（如下圖）為單位計算，所以貨運量較少，咁空運就會比船運的成本低，更平！ 

圖片來自於網路

 

所以移民搬屋之前，應該根據自身需求、家當的數量、貨物重量和尺寸彈性選擇適合自己的空運或船運搬運公司。事前可以先計算貨物的重量及了解空運及船運的價格，計算空運價錢：【運費計算】。  

 

預留時間移民搬屋

移民之前記得要預留時間寄運家當，如果你係用空運移民搬運的話，時間唔好預太早到。因為空運好快就可以將貨物送到，避免貨物到左，人仲未到步，咁就簽收唔到㗎啦！  

 

仲有個情況係，曾經有客戶返英國讀書，人到左先再叫香港的屋企幫手寄個人物品俾自己。點知屋企人唔清楚咩係禁運物品，又唔知道包裹入面有咩，導致填包裹資料嘅過程變得煩複。  

 

另外，如果你要寄包裹俾海外留學的子女，記得先同子女溝通清楚，問清楚子女就讀的學校可唔可以收件，唔好送到先發現寄唔到！同埋睇清楚包裹需唔需要計算稅項，以免計漏稅，導致子女收件時交稅唔夠錢比，又要搞一輪嘢先收到件。  

 

同埋有學生證（與收件人姓名一致）可能會平啲㗎！只要提供返訂單號碼、追蹤號碼以及姓名電話我地的客服姐姐就得㗎啦～  

 

移民搬運或海外留學最好都係自己親自包裝移民/ 留學要帶走的物品，預留時間寄件，到步之後坐等貨物送達和簽收。唔知幾時寄出好？搵我地嘅專業物流人員問下啦【聯繫我們】！

 

移民搬運前準備商業發票和裝箱單

一般入境時都需要提供商業發票（Commercial Invoice）和裝箱單（Packing List）作為評稅的用途，因此在移民到當地前就可以先準備好商業發票和裝箱單。移民搬運的貨物為「個人物品」，由於移民行李屬於已被使用的個人物品，所以一般可以被評為「免稅品」。  

 

商業發票需要填寫貨物的詳細資料，包括貨物目的地、付款方式以及貿易條款等，資料越清晰具體，通關越順利！   裝箱單用於補充發票的內容，包括移民搬運包裹的包裝方式、材料以及數量等詳細內容，每件移民的行李都要有獨立編號，以便海關識別及核准貨物。  

 

事前準備好商業發票和裝箱單，填寫詳細內容並確認無誤，通關的過程更順利、更有效率！

 

留意移民國家的稅務收費

寄出移民的家當前，先了解清楚當地海關的稅項如何計算。可以係呢度【進口稅項計算器】計算各國的關稅及入口稅。如果可以提供與移民相關文件/ 證件，有機會可以豁免或減少稅務費用！ 

圖片來自Fuuffy.com 

 

另外，移民搬運涉及入口税，要了解清楚移民國家的入口税。移民搬運只要完成報關手續，通常都會豁免繳交入口稅，但要留意返移民當地的免稅條件。例如申請英國Transfer of Residence Relief (TOR1)的要求：物品自用超過6個月、入境後會繼續自用12個月以上以及不接受煙酒和商用車的申請。 

 

了解移民國家的禁運物品

圖片來自Fuuffy.com 

 

 寄移民物件到目的地前，要先了解當地的【禁運物品名單】和限制入境物品。另外，報關時要注意當地海關需要特別申報通關的文件，以免在不知情下運送禁運物品或攜帶限制入境物品，被發現的話有可能會延誤清關手續，更有機會被收取罰款或額外費用！ 

 

抵達移民國家後處理包裝的善後工作

當抵達移民的目的地後，拆曬所有包裹剩低的紙箱需要處理，可以查詢搬運公司有冇提供回收服務。如果冇就要自行處理，有些國家如英國，需要自行送到回收中心。  

 

如果睇完呢篇文章，你認為空運移民搬屋服務更適合你，咁Fuuffy就一定幫到你！越來越多香港人移民，我地都收到好多移民搬運的查詢，眾多熱門移民國家包括英國、加拿大、澳洲和美國等。Fuuffy都可以幫到你用最實惠的價錢移民搬屋到國外開展新生活㗎，即刻查看【免費報價】！